Southampton 1 - 0 Liverpool
1-0 Nathan Redmond ('20 )
1-0 Nathan Redmond ('20 )
Southampton tók á móti Liverpool í fyrri leik liðanna í undanúrslitum enska deildarbikarsins í kvöld.
Leikurinn byrjaði rólega og gerðist lítið í leiknum, allt þar til á 22. mínútu leiksins þegar Nathan Redmond kom heimamönnum í Southampton yfir. Ragnar Klavan í vörn Liverpool misreiknaði knöttinn í aðdragandanum.
Southampton fékk svo gott færi til þess að bæta við marki undir lok fyrri hálfleiks en Loris Karius, markvörður Liverpool varði vel. 1-0 í hálfleik.
Í seinni hálfleik voru það heimamenn sem voru betri og voru þeir líklegri til þess að auka forskotið. Markið kom hins vegar ekki og urðu lokatölur 1-0.
Liverpool mega vera sáttir að þetta var aðeins fyrri leikurinn og að munurinn hafi ekki verið meiri í leikslok. Liðið var langt frá sínu besta.
Seinni leikurinn fer fram á Anfield eftir tvær vikur, þann 25. janúar.
Athugasemdir