Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mið 11. janúar 2017 07:00
Guðmundur Aðalsteinn Ásgeirsson
Heimild: Sky Sports 
Gabbiadini orðaður við West Brom og Southampton
Er þessi á leið í enska boltann?
Er þessi á leið í enska boltann?
Mynd: Getty Images
West Brom og Southampton hafa áhuga á að kaupa ítalska sóknarmanninn Manolo Gabbiadini frá Napoli, en það er Sky á Ítalíu sem segir frá þessu.

Líklegt þykir að Gabbiadini muni fara frá Napoli í janúar, en hann hefur verið orðaður við mörg lið, þá sérstaklega í ensku úrvalsdeildinni og í þýsku Bundesligunni.

Þessi 25 ára gamli sóknarmaður hefur skorað fimm mörk í 19 leikjum á þessu tímabili fyrir Napoli, en hann var á skotskónum í gærkvöldi þegar lið hans vann Spezia í 16-liða úrslitum ítalska bikarsins.

Umboðsmaður Gabbiadini hefur talað mannamál í ítölskum fjölmiðlum og sagt hátt og skýrt að skólstæðingur sinn sé á förum.

„Ákvörðunin hefur verið tekin, Manolo er á förum. Þetta verður klárt í lok næstu viku," sagði Silvio Pagliari, umboðsmaður sóknarmannsins, m.a. við ítalska fjölmiðla.
Athugasemdir
banner
banner