Hinn þrítugi Hilmar Trausti er uppalinn hjá Haukum en hann hefur spilað með liðinu lengst af á sínum ferli.

Árið 2015 fór Hilmar til KA en hann yfirgaf herbúðir félagsins snemma í fyrrasumar og gekk í kjölfarið til liðs við ÍH þar sem hann spilaði síðari hluta tímabils.

Hilmar ætlar nú að einblína á þjálfun en hann stefnir ekki á að spila með Haukum næsta sumar.

Á ferli sínum hefur Hilmar skorað 30 mörk í 225 leikjum í deild og bikar en hann hefur auk Hauka, KA og ÍH leikið með Leikni R.