Juventus og Fiorentina tryggðu sér farseðilinn í 8-liða úrslit ítalska bikarsins í kvöld.
Fiorentina fékk Chievo í heimsókn og sigruðu heimamenn í hörkuleik. Spjöldunum var veifað í gríð og erg og fengu tveir að fjúka útaf, einn í sitthvoru liði.
Sigurmark Fiorentina kom ekki fyrr en á 90. mínútu þegar Federico Bernardeschi skoraði úr vítaspyrnu. Fiorentina mun mæta Napoli í 8-liða úrslitum.
Ítalíumeistararnir og bikarmeistararnir í Juventus fengu Atalanta í heimsókn. Meistararnir komust í 2-0 með mörkum frá Paulo Dybala og Mario Mandzukic og var það staðan í hálfleik.
Um miðbik seinni hálfleiks minnkuðu gestirnir muninn en Miralem Pjanic skoraði þriðja mark Juventus. Atalanta náðu að klóra í bakkann en það var ekki nóg og Juventus sigruðu 3-2.
Juventus mun mæta annað hvort AC Milan eða Torino í 8-liða úrslitum
Athugasemdir