Heimild: mbl.is
Aron Sigurðarson hefur skorað í báðum þeim landsleikjum sem hann hefur spilað. Í gær skoraði hann annað mark íslenska landsliðsins í 2-0 sigri gegn Kína í vináttumóti.
Kári Árnason, fyrirliði Íslands í leiknum, hefur mikið álit á Aroni eins og hann sagði í viðtali við mbl.is.
Kári Árnason, fyrirliði Íslands í leiknum, hefur mikið álit á Aroni eins og hann sagði í viðtali við mbl.is.
„Framtíðin er mjög björt hjá Íslandi held ég. Aron hefur sýnt það á þessum fáu æfingum og í leiknum í dag að hann er gríðarlega sprækur og á fullt erindi í hvað sem er. Hann þarf bara að koma sér frá Tromsö og fá að spila. Og svo er hægt að tala endalaust um hina strákana sem stóðu sig mjög vel," sagði Kári við mbl.
Aron átti ekki fast sæti í norska liðinu Tromsö á sínu fyrsta tímabili með liðinu en það var í fallbaráttu en bjargaði sér undir lokin.
„Ég stóð mig vel á æfingum og í hreinskilni fannst mér steikt að ég væri ekki að spila," sagði Aron í viðtali við Fótbolta.net í nóvember. „Við vorum í erfiðri stöðu og ég er ekki besti varnarmaðurinn af könturunum þarna, það gæti hafa spilað inn í. Á æfingum fannst mér ég vera bestur og ég hugsaði ekki út í það að ég væri ekki í liðinu því ég væri lélegur."
„Ég tel mig hafa sannað það að ég get gert góða hluti í þessari deild þó það hafi getað gengið betur á tímabilinu. Ég get léttilega staðið mig mjög vel í þessari deild. Nú fæ ég fullt undirbúningstímabil með þeim og slepp vonandi alveg við meiðsli. Ég ætla að taka næsta tímabil og pakka því saman," sagði Aron.
Athugasemdir