Makelele í stúkunni á leik Íslands og Ungverjalands á EM í sumar.
Swansea hefur fengið Claude Makelele, fyrrum miðjumann Chelsea og Real Madrid, í þjálfaralið sitt.
Paul Clement, nýráðinn stjóri Swansea, þekkir vel til Makelele eftir að hafa starfað með honum þegar hann var leikmaður Chelsea. Clement og Makelele störfuðu einnig saman í þjálfaraliði PSG.
Paul Clement, nýráðinn stjóri Swansea, þekkir vel til Makelele eftir að hafa starfað með honum þegar hann var leikmaður Chelsea. Clement og Makelele störfuðu einnig saman í þjálfaraliði PSG.
Makelele er 43 ára gamall en hann átti mjög farsælan feril sem leikmaður. Eftir að skórnir fóru á hilluna árið 2011 fór Makelele í þjálfaralið PSG.
Hann tók við sem þjálfari Bastia árið 2014 en var einungis hálft ár í starfi. Síðan þá hefur hann verið í fríi frá fótbolta.
Makelele verður mættur á hliðarlínuna strax á laugardag þegar Swansea fær Arsenal í heimsókn.
Athugasemdir
