Hann hefur vakið mikla athygli með framgöngu sinni í austurrísku deildinni en er þó óslípaður að ýmsu leiti, til að mynda hefur hann fengið tvö rauð spjöld í síðustu sjö leikjum sem hann hefur spilað.

Það gæti flækt málin fyrir United að Salzburg er í eigu orkudrykkjarisans Red Bull sem á einnig ráðandi hlut í þýska úrvalsdeildarfélaginu RB Leipzig. Níu leikmenn hafa færst milli félagana tveggja á síðustu árum, þar á meðal Naby Keita sem hefur verið einn besti leikmaður þýsku deildarinnar á tímabilinu.

Upamecano er eftirsóttur en hann hefur einnig verið orðaður við stórliðin Barcelona, Arsenal, Bayern München og Juventus.

Svíinn Victor Lindelöf hefur verið orðaður við United en ólíklegt er að hann komi til félagsins í janúarglugganum þar sem Jose Mourinho hefur sagst vera sáttur með þá kosti sem hann hefur í vörninni út yfirstandandi tímabil.