Fjórir leikir eru í 16-liða úrslitum spænska konungsbikarsins í kvöld. Fyrri leikirnir fóru fram í síðustu viku og nú er komið að seinni leikjunum.

Klukkan 18:00 eru þrír leikir á dagskrá. Córdoba tekur á móti Alcorcón, Villareal og Real Sociedad mætast og Deportivo Alaves fær Deportivo La Coruna í heimsókn.

Lokaleikur kvöldsins hefst svo kl. 20:15 er Barcelona og Athletic Bilbao eigast við. Þetta er stórleikur þessarar umferðar í bikarnum.

Þegar liðin mættust á heimavelli Bilbao þá voru lokatölur 2-1 fyrir Bilbao og það verður því spennandi að sjá hvort Börsungar nái að snúa stöðunni sér í vil.