Everton er nálægt því að kaupa alsírska sóknarmanninn Ishak Belfodil frá Standard Liege. 10,4 milljóna punda tilboði enska félagsins hefur verið tekið.
Það er nóg að gera á skrifstofu Everton. Félagið hefur þegar tryggt sér Ademola Lookmann frá Charlton á 10 milljónir punda í þessum glugga og er að ganga frá kaupum á Morgan Schneiderlin frá Manchester United á 22 milljónir punda. Schneiderlin fór í læknisskoðun hjá Everton í dag.
Það er nóg að gera á skrifstofu Everton. Félagið hefur þegar tryggt sér Ademola Lookmann frá Charlton á 10 milljónir punda í þessum glugga og er að ganga frá kaupum á Morgan Schneiderlin frá Manchester United á 22 milljónir punda. Schneiderlin fór í læknisskoðun hjá Everton í dag.
Félagið reyndi að fá miðjumanninn Franck Kessie frá Atalanta en tilboði þess var hafnað og var þá gert tilboð í Belfodil sem er 24 ára.
Belfodil hóf feril sinn hjá Lyon. Hann hefur skorað sjö mörk í 16 leikjum fyrir Standard en hann kom til félagsins síðasta sumar frá Baniyas í Abu Dhabi. Þar á undan var hann hjá Parma og Inter en náði sér ekki á strik í ítalska boltanum.
Belfodil er nú með Standard í æfingabúðum á Spáni en mun á næstu klukkustundum stökkva upp í flugvél til Englands til að ræða um kaup og kjör við Everton.
Hann var ekki valinn í landsliðshóp Alsír fyrir Afríkukeppnina.
Athugasemdir