Setti saman HM 2026 til gamans
Í gær var staðfest að HM 2026 verði skipað 48 liðum og þar með stækkað umtalsvert. Nýja fyrirkomulagið er með þeim hætti að leikið verður í sextán þriggja liða riðlum.
Huw Davies, ritstjóri hjá FourFourTwo tímaritinu, setti til gamans upp hvernig HM þetta árið gæti mögulega litið út.
Huw Davies, ritstjóri hjá FourFourTwo tímaritinu, setti til gamans upp hvernig HM þetta árið gæti mögulega litið út.
Davies notaðist við stöðuna á styrkleikalista FIFA í dag þegar hann setti saman mótið og hvaða lið myndu taka þátt.
Fyrsta 48 liða lokakeppni heimsmeistaramóts karla í knattspyrnu verður hvorki haldin í Asíu né Evrópu. Bandaríkin hafa lýst því yfir að vilja halda mótið og í þessari uppröðun Davies er gert ráð fyrir að mótið verði haldið þar.
Ísland er í sterkum riðli með Úrúgvæ og Fílabeinsströndinni.
Ekkert annað lið frá Skandinavíu kæmist á mótið ef mið er tekið af styrkleikalista FIFA í dag en hér að neðan má sjá mögulega riðlaskiptingu.
Athugasemdir