Viðar Örn skoraði og lagði upp
Landsliðsmaðurinn Viðar Örn Kjartansson skoraði og lagði upp mark í 4-1 sigri í ísraelsku úrvalsdeildinni.
Maccabi Tel Aviv tók á móti liði Hapoel Raanana og var Viðar Örn í byrjunarliðinu.
Yossi Benayoun, fyrrum leikmaður Chelsea, Liverpool og Arsenal kom Maccabi Tel Aviv yfir á 8. mínútu. Á 37. mínútu lagði Viðar svo upp mark fyrir Barak Itzhaki áður en að gestirnir í Hapoel minnkuðu muninn.
Tal Ben Haim, fyrrum leikmaður Bolton skoraði svo úr vítaspyrnu og kom heimamönnum í 3-1.
Viðar Örn innsiglaði svo góðan sigur með marki á 69. mínútu. Hans tíunda mark á tímabilinu.
Maccabi Tel Aviv situr í 2. sæti deildarinnar
Athugasemdir
