Neymar skoraði úr vítaspyrnu í 2-0 sigri Paris St-Germain gegn Amiens í franska deildabikarnum í gær. PSG er komið í undanúrslit keppninnar.
Brasilíumaðurinn hefur nú skorað í fyrsta leik í öllum keppnum með PSG; frönsku deildinni, Meistaradeildinni, franska bikarnum og franska deildabikarnum.
Brasilíumaðurinn hefur nú skorað í fyrsta leik í öllum keppnum með PSG; frönsku deildinni, Meistaradeildinni, franska bikarnum og franska deildabikarnum.
PSG hefur unnið franska deildabikarinn síðustu fjögur ár.
Markvörður Amiens, Regis Gurtner, var rekinn af velli fyrir brot á Kylian Mbappe í gær. Neymar skoraði fyrra mark leiksins eftir að brotið hafði verið á honum sjálfum og Adrien Rabiot skoraði hitt markið með skalla.
PSG hefur ekki tapað í 35 bikareinvígum í Frakklandi í næstum fjögur ár. Liðið hefur unnið franska bikarinn síðustu þrjú ár.
Liðið mætir Rennes í undanúrslitum deildabikarsins en Mónakó leikur gegn Montpellier í hinu einvíginu.
Edinson Cavani kom ekki við sögu í gær en hann kom seint til PSG eftir vetrarfrí.
Athugasemdir