Í gærkvöldi var dregið í undanúrslit þýska bikarsins í kjölfar þess að 8-liða úrslitunum lauk.

Bayern Munchen fékk heimaleik á móti Aroni Jóhannssyni og félögum í Werder Bremen og Borussia Dortmund þarf að heimsækja Ólympíuleikvanginn í Berlín og leika við Hertha Berlin.

Leikirnir fara fram 19. og 20. apríl en þá ætti Aron Jóhannsson að vera kominn á fullt eftir meiðsli sem hafa plagað hann undanfarna mánuði.