Slóveninn Jan Oblak hefur framlengt samning sinn við Atletico Madrid til ársins 2021.
Þessi 23 ára gamli markvörður hefur slegið í gegn hjá Atletico Madrid eftir að félagið gerði hann að dýrasta markverði í sögu Spánar þegar hann var keyptur til félagsins sumarið 2014 frá Benfica.
Í nýja samningnum er riftunarákvæði upp á 100 milljónir evra en það var 50 milljónir evra í gamla samningnum.
Oblak var orðaður við Man Utd síðastliðið sumar þegar allt útlit var fyrir að David De Gea væri á leið til Real Madrid.
Nú er ljóst að ef eitthvað lið ætlar sér að kaupa Oblak þarf að borga ansi vel fyrir kappann sem hefur aðeins fengið á sig 11 mörk í spænsku deildinni í vetur.
Athugasemdir