Guðni Bergsson í Vestmannaeyjum í dag.
Guðni Bergsson nýr formaður KSÍ segir að síminn hafi verið rauðglóandi eftir að tilkynnt var að hann hefði unnið formannskosningarnar.
„Ég hélt að þetta yrði naumt og þetta var það í rauninni. Þegar úrslitin komu í ljós var ég fullur þakklætis og auðmýktar að vera treyst fyrir þessu mikilvæga starfi," sagði Guðni við Fótbolta.net í kvöld.
„Ég hélt að þetta yrði naumt og þetta var það í rauninni. Þegar úrslitin komu í ljós var ég fullur þakklætis og auðmýktar að vera treyst fyrir þessu mikilvæga starfi," sagði Guðni við Fótbolta.net í kvöld.
Guðni fékk 83 atkvæði í kosningunni en Björn Einarsson fékk 66.
„Björn háði mjög góða og skipulagða baráttu og hún var drengileg. Ég vil þakka honum fyrir það. Ég held að við skijlum vel sáttir. Þetta var hollt fyrir hreyfinguna. Fótboltalegur bakgrunnur minn og áhersla mín á að byggja upp fótboltann í landinu hefur kannski skilað sér," sagði Guðni sem ætlar að vera í nánum tengslum við aðdildarfélögin.
„Formaður á að vera sýnilegur. Það er gríðarlega öflugt starf um allt land. Ég vil vera formaður sem fer á milli og heimsækir klúbbana og hefur góða tilfinningu fyrir starfinu."
„Síðan þarf að gæta hagsmuna erlendis, landsliðið, fræðslustarfið og svo framvegis. Það er að mörgu að huga og ég hlakka til að takast á við það."
Guðni byrjaði í vikunni á Twitter og setti færslur þar inn í kosningabaráttunni. Ætlar hann að halda áfram á Twitter, nú þegar kosningabaráttunni er lokið?
„Verð ég ekki að gera það? Það er ágætis samskiptatæki. Ég þarf að læra betur til þar og geta svarað almennilega. Það gæti verið sniðugt sem hluti af auknu markaðsstarfi fyrir KSÍ til dæmis."
Sjáðu viðtal við Guðna í sjónvarpinu hér að ofan.
Ég ætla mér að verða formaður allrar knattspyrnuhreyfingarinnar og ég hlakka til að takast á nýja hlutverkið. https://t.co/NbedsVH8wh pic.twitter.com/oW0hQt9g3z
— Guðni Bergsson (@gudnibergs) February 11, 2017
Athugasemdir
