Eddie Howe skammast sín fyrir frammistöðu sinna manna í Bournemouth sem töpuðu fyrir nýliðum Huddersfield í dag.
Gestirnir þurftu að ferðast rúmlega 830 kílómetra vegna leiksins, þar sem Bournemouth er í suðurhluta Englands og Huddersfield í norðurhlutanum.
Howe bað stuðningsmenn afsökunar að leikslokum og sagði sína menn ekki eiga annað skilið en að halda tómhentir heim.
Gestirnir þurftu að ferðast rúmlega 830 kílómetra vegna leiksins, þar sem Bournemouth er í suðurhluta Englands og Huddersfield í norðurhlutanum.
Howe bað stuðningsmenn afsökunar að leikslokum og sagði sína menn ekki eiga annað skilið en að halda tómhentir heim.
„Við áttum okkur fyllilega á því sem stuðningsmenn þurftu að fórna til að mæta á leikinn. Ég gerði leikmönnum það afar ljóst fyrir upphafsflautið," sagði Howe eftir tapið.
„Ég vil biðja stuðningsmenn afsökunar á frammistöðu liðsins í dag. Þeir eyddu miklum tíma og pening í þetta ferðalag og verðskulduðu allt öðruvísi leik.
„Það er erfitt að útskýra hvað gerðist, við vorum einfaldlega lélegir. Við töpuðum of mörgum 50/50 boltum og áttum skilið að tapa 4-1."
Howe var hissa á spilamennsku sinna manna og benti á að félagið sé enn í fallbaráttu þrátt fyrir sigra gegn Chelsea og Arsenal á árinu.
„Við höfum enga afsökun, við fórum ekki í þennan leik með rétt hugarfar. Þeir börðust með kjafti og klóm og spiluðu eins og fallbaráttulið sem vill bjarga sér.
„Við erum ennþá í bullandi fallbaráttu þrátt fyrir góða sigra og verðum að líta á hvern leik sem úrslitaleik."
Athugasemdir