Fylkir hafði betur gegn FH í fyrstu umferð Lengjubikarsins og heldur góð byrjun liðsins á undirbúningstímabilinu því áfram.

FH lék 4-3-3 en Davíð Þór fyrirliði var með Pétri Viðars í hjarta varnarinnar.

Hákon Ingi Jónsson kom Fylki yfir snemma leiks í Egilshöllinni en Steven Lennon var ekki lengi að jafna.

Hvorugu liði tókst að skora fyrr en undir lokin þegar Ragnar Bragi Sveinsson gerði sigurmark Fylkis.

Fylkir komst í úrslitaleik Reykjavíkurmótsins á dögunum þar sem liðið tapaði eftir hörkuleik við Fjölni.

Fylkir mætir HK í Egilshöll á sunnudaginn á sama tíma og FH mætir Selfossi í Reykjaneshöllinni.

Markaskorarar af urslit.net