Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 11. mars 2018 11:00
Guðmundur Aðalsteinn Ásgeirsson
Allegri tilbúinn að taka við Arsenal
Powerade
Verður Allegri arftaki Wenger?
Verður Allegri arftaki Wenger?
Mynd: Getty Images
Lingard gæti fengið nýjan samning, aðeins 11 mánuðum eftir að samningur hans var síðast framlengdur.
Lingard gæti fengið nýjan samning, aðeins 11 mánuðum eftir að samningur hans var síðast framlengdur.
Mynd: Getty Images
Það er komið að slúðri dagsins. Þá er best að halla sér aftur og njóta.



Liverpool telur góðar líkur á því að félagið geti landað Jack Butland (24) markverði Stoke og enska landsliðsins fyrir 40 milljónir punda. (Sunday Mirror)

Massimiliano Allegri, þjálfari Ítalíumeistara Juventus, er tilbúinn að taka að sér starfið hjá Arsenal ef Arsene Wenger hættir eftir tímabilið. (Sun on Sunday)

Planið hjá Manchester United er að reyna að kaupa Alex Sandro (27) frá Juventus í sumar. United er tilbúið að bjóða Juventus Matteo Darmian (28) sem hluta af kaupunum. (Sunday People)

Paris Saint-Germain hefur ekki áhuga á því að selja Neymar (26) aftur til hans fyrrum félags, Barcelona eða til erkifjenda þeirra í Real Madrid. (Sky Sports)

Jack Wilshere (26) hefur ekki enn skrifað undir nýjan samning við Arsenal og það ætlar AC Milan að nýta sér. Samningur Wilshere við Arsenal rennur út í sumar. (Sunday Express)

Pep Guardiola segist vera með 10 ára plan á þjálfaraferli sínum. Spánverjinn er nálægt því að skrifa undir nýjan samning við Manchester City. (Sunday Mirror)

Real Madrid mun eltast við Karlo Letica (21), markvörð Hadjuk Split í Króatíu, ef David de Gea (27) eða Thibaut Courtois (25), markvörður Chelsea, koma ekki til Madrídar. (Marca)

Sóknarmaðurinn Christian Benteke (27) virðist vera á förum frá Crystal Palace eftir tímabilið. Hann gæti reynt fyrir sér í kínversku Ofurdeildinni. (Sun on Sunday)

Javi Gracia, stjóri Watford, er ekki viss um hvort franski miðjumaðurinn Abdoulaye Doucoure (25) verði áfram í herbúðum félagsins. Hann hefur verið orðaður við Manchester United, Liverpool, Arsenal og Tottenham. (Watford Observer)

Jesse Lingard (25) er að skrifa undir nýjan samning við Manchester United, aðeins 11 mánuðum eftir að hafa síðast skrifað undir framlengingu. (Sunday Star)

Matej Delac (25), markvörður sem hefur verið hjá Chelsea frá árinu 2009 mun yfirgefa félagið eftir tímabilið. (Sun on Sunday)

Frank de Boer, fyrrum stjóri Crystal Palace, telur að Wilfried Zaha verði ekki hjá félaginu á næstu leiktíð. Hann telur jafnframt að ef Palace ætlar að halda sæti sínu í deildinni þarf félagið að treysta mikið á Zaha. (BT Sport)

Chelsea þarf að berjast við PSG um Luis Enrique fyrrum þjálfara Barcelona. (Sunday Star)

David Wagner, stjóri Huddersfield, gæti óvænt tekið við Borussia Dortmund. (Sunday People)

Danny Ings (25) er á því máli að það væri „kjánalegt" fyrir sig að yfirgefa Liverpool í sumar. (Sunday Express)
Athugasemdir
banner
banner
banner