Það var einn leikur í Championship-deildinni, næst efstu deild Englands, í dag og var hann tíðindalítill.

Nottingham Forest og Derby County mættust en til að gera langa sögu stutta endaði leikurinn með markalausu jafntefli.

Baráttan um umspilssæti er mjög hörð en Derby er í þeirri baráttu. Liðið er með 62 stig í fimmta sæti en staða liðsins var betri fyrir mánuði síðan. Liðið hefur ekki unnið fótboltaleik í meira en mánuð á meðan liðin í kring hafa verið að vinna sína leiki. Derby þarf að fara að vinna leiki ef liðið ætlar ekki að detta úr umspilinu.

Nottingham Forest er í 15. sætinu.