Antonio Conte og lærisveinar hans í Chelsea tóku á móti Crystal Palace í ensku úrvalsdeildinni í gær þar sem Chelsea sigraði með tveimur mörkum gegn einu marki gestanna.
„Við áttum sigurinn skilið, við spiluðum vel, sérstaklega í fyrri hálfleik gegn góðu Crystal Palace liði. Þeir eru með gott lið sem leggur mikið á sig til að forðast fall," sagði Conte.
Næsta verkefni hjá Chelsea er heimsókn til Katalóníu þar sem þeir mæta Barcelona í 16-liða úrslitum Meistaradeildarinnar, Conte telur það vera allt öðruvísi verkefni en Crystal Palace.
„Við þurfum að undirbúa liðið vel fyrir næsta leik, þeir eru með mjög gott lið, leikurinn við þá verður allt öðruvísi en þessi leikur í dag. Nú höfum við þrjá daga til að setja upp gott skipulag með leikmönnunum fyrir leikinn."
Athugasemdir
