Fanndís Friðriksdóttir lék allan leikinn með Marseille er liðið tapaði 2-0 á heimavelli gegn Lille í frönsku úrvalsdeildinni.

Fanndís hefur verið að glíma við meiðsli og missti hún af tveimur fyrstu leikjum Algarve-mótsins með Íslandi. Hún spilaði þó seinni tvo leikina þar sem Ísland endaði í níunda sæti.

Hún var klár í slaginn í dag en gat þó ekki hjálpað liði sínu mikið er það tapaði 2-0 á heimavelli fyrir Lille. Marseille hefði getað komist upp úr botnsætinu með sigri en það ekki ekki eftir.

Marseille situr áfram sem fastast á botninum, það gengur erfiðlega að safna stigum í pokann.

Erum að reyna að safna stigum í þennan fræga poka ... held það sé gat á pokanum okkar 🤔

— Fanndís Friðriks (@fanndis90) February 18, 2018