Genoa 0 - 1 AC Milan
0-1 Andre Silva ('94)
0-1 Andre Silva ('94)
AC Milan heimsótti Genoa í ítalska boltanum eftir svekkjandi tap gegn Arsenal í Evrópudeildinni á fimmtudaginn.
Milan var mun betra liðið í leiknum en það var mikið um mistök í varnarleiknum og komust heimamenn nokkrum sinnum nálægt því að skora, en hittu aldrei á rammann.
Það stefndi allt í markalaust jafntefli í Genúa en portúgalski sóknarmaðurinn Andre Silva var á öðru máli.
Hann kom inn í síðari hálfleik og skoraði sitt fyrsta mark í ítalska boltanum með síðustu snertingu leiksins, á síðustu sekúndum uppbótartímans.
Þetta er fjórði sigur Milan í röð í deildini og er liðið komið í evrópudeildarsæti, þremur stigum fyrir ofan Sampdoria sem steinlá óvænt fyrir Crotone fyrr í dag.
Milan er aðeins fjórum stigum frá nágrönnum sínum og erkifjendum í Inter, sem eru í síðasta meistaradeildarsætinu. Inter á leik til góða og er að spila hann, gegn toppbaráttuliði Napoli.
Athugasemdir