Gianluigi Buffon, markvörður Juventus, var brjálaður eftir að hafa fallið úr leik í Meistaradeildinni í kvöld.
Juventus tapaði fyrri leiknum á heimavelli 3-0 en sýndi karakter í kvöld og kom til baka. Eftir tvö skallamörk frá Mario Mandzukic í fyrri hálfleiknum þá skoraði miðjumaðurinn Blaise Matuidi um miðjan seinni hálfleikinn og staðan 3-0 fyrir Juventus.
Hreint út sagt ótrúlegt en í uppbótartímanum varð allt vitlaust. Enski dómarinn Michael Oliver dæmdi þá vítaspyrnu. Mehdi Benatia, varnarmaður Juventus, var á bakinu á varamanninum Lucas Vazquez sem féll til jarðar. Oliver var fljótur að benda á punktinn en Buffon missti stjórn á skapi sínu og fékk beint rautt spjald.
Juventus tapaði fyrri leiknum á heimavelli 3-0 en sýndi karakter í kvöld og kom til baka. Eftir tvö skallamörk frá Mario Mandzukic í fyrri hálfleiknum þá skoraði miðjumaðurinn Blaise Matuidi um miðjan seinni hálfleikinn og staðan 3-0 fyrir Juventus.
Hreint út sagt ótrúlegt en í uppbótartímanum varð allt vitlaust. Enski dómarinn Michael Oliver dæmdi þá vítaspyrnu. Mehdi Benatia, varnarmaður Juventus, var á bakinu á varamanninum Lucas Vazquez sem féll til jarðar. Oliver var fljótur að benda á punktinn en Buffon missti stjórn á skapi sínu og fékk beint rautt spjald.
Buffon var mjög ósáttur með dómarann og sagði nokkra athyglisverða hluti í viðtali eftir leik.
„Þetta var ekki einu sinni næstum því vítaspyrna," á Buffon að hafa sagt við Mediaset Premium.
„Liðið gaf allt sitt. Manneskja á ekki að geta eyðilagt drauma eins og hann gerði eftir þessa ótrúlegu endurkomu. Hann er með ruslatunnu í stað hjarta."
Hinn fertugi Buffon verulega ósáttur en hann gæti hafa verið að leika sinn síðasta Meistaradeildarleik.
Sjá einnig:
Myndbönd: Vítaspyrnudómurinn, rauða spjaldið og markið
„Oliver hefði verið hengdur ef hann hefði ekki dæmt"
Athugasemdir