David Alaba, skærasta stjarna landsliðs Austurríkis, setti inn myndir og myndbönd á Snapchat frá herbúðum liðsins í Frakklandi. Fjölmiðlar nýttu sér efnið við litla hrifningu knattspyrnusambands Austurríkis.
Fundað var með leikmönnum um notkun á samskiptamiðlum meðan þeir eru í Frakklandi.
Fjölmiðlafulltrúi austurríska liðsins segir að Alaba fái ekki refsingu en það hafi verið skýrt út fyrir leikmönnum að þetta sé eitthvað sem menn vilja ekki sjá.
Alaba er mjög virkur á samfélagsmiðlum og er duglegur að uppfæra fyrir aðdáendur sína á Snapchat, Twitter og Facebook.
Austurríki er með Íslandi í riðli og mætast liðin í lokaumferð riðlakeppninnar.
Fótbolti.net er með fullt leyfi til að vera með Snapchat frá EM og er hægt að fylgjast með undir Fotboltinet.
Athugasemdir
