Heimild: Evening Post
Gylfi á æfingu með íslenska landsliðinu í gær.
South Wales Evening Post segir frá því í dag að Swansea City sé að hefja viðræður við Gylfa Þór Sigurðsson um nýjan langtíma samning við félagið.
Gylfi á enn tvö ár eftir af núverandi samningi sem hann gerði við félagið þegar hann kom aftur frá Tottenham.
Hann hefur staðið sig frábærlega og félagið vill festa hann hjá sé rmeð því að bjóða nýjan samning nú þegar.
Hann átti frábært tímabil með liðinu og skoraði 11 mörk á tímabilinu. Orðrómur hefur verið uppi um að Englandsmeistarar Leicester vilji kaupa hann á 15 milljónir punda í sumar en Swansea vill halda í hann.
„Á næstu vikum munum við eiga viðræður við umboðsmann Gylfa," sagði Huw Jenkins formaður félagsins við Evening Post. „Við munum ræða um hvað leikmaðurinn hefur í huga og ræðum framtíð hans með okkur."
Gylfi er sem stendur með íslenska landsliðinu í Annecy í Frakklandi í undirbúningi fyrir fyrsta leik í Evrópumótinu gegn Portúgal á þriðjudaginn.
Athugasemdir
