Ísland fer í umspil eins og staðan er núna
Útlitið er nokkuð bjart fyrir Ísland í undankeppni HM eftir 1-0 sigur á Króatíu í undankeppninni á fallegu sumarkvöldi í Laugardalnum í kvöld. Kvöldin gerast ekki mikið fallegri en þetta!
Sigurmarkið skoraði Hörður Björgvin Magnússon þegar lítið var eftir, en þetta mark gæti reynst gríðarlega mikilvægt.
Sigurmarkið skoraði Hörður Björgvin Magnússon þegar lítið var eftir, en þetta mark gæti reynst gríðarlega mikilvægt.
Ísland var á tímapunkti í fjórða sæti I-riðils í kvöld, alveg þangað til Hörður tók upp á því að skora, en þá hoppuðum við upp.
Við komumst upp að hlið Króata í fyrsta sæti riðilsins, en það er mikil spenna framundan, eftir sumarið. Ísland og Króatía hafa 13 stig og þar á eftir eru Tyrkland og Úkraína með 11 stig.
Ísland á eftir að leika gegn Úkraínu á heimavelli og Tyrklandi á útivelli eftir sumarið, en nú eru allir leikir úrslitaleikir.
Fyrsta sætið í riðlinum fer beint á heimsmeistaramótið í Rússlandi, en annað sætið gæti átt möguleika á því að fara í umspil. Átta lið af níu fara í umspil, en eins og staðan er núna er Ísland í umspilssæti.
Ísland er með fjórða besta árangurinn af þeim liðum sem eru í öðru sæti í riðlunum níu. Úrslitin gegn öllum nema liðunum í neðsta sæti eru tekin inn í jöfnuna, og því telur sigur Íslands gegn Kosóvó ekki.
Ísland er því með tíu stig í þessari töflu yfir liðin sem eru í öðru sæti, rétt eins og Ítalía, Norður-Írland og Frakkland.
Hér að neðan má sjá leikina sem Ísland á eftir í riðlinum, stöðuna í riðlinum og lista yfir liðin sem eru í öðru sæti.
Staðan í riðli Íslands:
1. Króatía - 13 stig, +9
2. Ísland - 13 stig, +3
3. Tyrkland - 11 stig, +5
4. Úkraína - 11 stig, +4
5. Finnland - 1 stig, -6
6. Kosóvó - 1 stig, -15
Leikirnir sem Ísland á eftir:
Laugardagurinn 2. sept - Finnland - Ísland
Þriðjudaginn 5. sept - Ísland - Úkraína
Föstudaginn 6. október - Tyrkland - Ísland
Mánudaginn 9. október - Ísland - Kosóvó
Danmark ligger med 4k/4p. Det kræver MANGE danske point til efteråret, hvis vi skal til VM 2018. Islands sejr mod Kroatien var dyr #vmkval pic.twitter.com/tby8pw5ONJ
— Morten K. Espersen (@MortenKEspersen) June 11, 2017
Athugasemdir