Selma Sól fékk tækifæri í byrjunarliðinu í dag og spilaði vel á miðjunni ásamt Gunnhildi Yrsu.

"Mér líður bara mjög vel, við ætluðum að ná okkur í þrjú stig í dag þannig að ég er bara mjög sátt."
Slóvenska liðið var mjög vel skipulagt fyrir aftan boltann og það var erfitt fyrir íslenska liðið að brjóta þær á bak aftur og ná fyrsta markinu.
"Þetta var erfið fæðing en þær hafa bætt sinn leik mikið og voru vel spilandi í dag. Erfitt að komast í gegnum þær, en við þurftum bara að vera þolinmóðar og það gekk í dag.

En hvernig leið þér þegar Glódís náði að skófla boltanum inn með maganum í fyrsta markinu og þið náðuð loksins marki?

"Mér leið mjög vel og öllum í liðinu leið vel. Mjög gott að ná inn marki. Við vissum að við myndum skora í þessum leik, bara spurning hvenær svo það var mjög góð tilfinning"

Næsti leikur er risa leikur þann 1.september um efsta sæti riðilsins við Þýskaland. Hversu mikil spenningur er fyrir honum?
"Bara mjög mikil. Við förum með gott sjálfstraust inn í það verkefni og bara allir mjög spenntir."

Selma byrjaði leikinn á miðjunni í dag og hoppaði svo yfir á kantinn í seinni hálfleik
"Mjög gaman að fá tækifæri í byrjunarliðinu. Ég geri mitt besta!"

Nánar er rætt við Selmu hér að ofan.