Lárus Orri Sigurðsson
Lárus Orri Sigurðsson, þjálfari Þórs á Akureyri, var allt annað en sáttur með sína menn eftir markalaust jafntefli gegn ÍR í kvöld en hann telur liðið alveg úr toppbaráttu með þessu jafntefli.
Lestu um leikinn: Þór 0 - 0 ÍR
„Þetta var bara lélegt. Þetta er sennilega lélegasti leikur okkar í langan tíma og ég er bara svekktur. Við fengum nokkur færi í upphafi leiks en eftir það náum við lítið að skapa okkur og það var í rauninni lítið að gerast hjá okkur, liðið virkaði þungt og þreyttir," sagði Lárus við Fótbolta.net.
„Við spiluðum engan þéttan varnarleik. Við þurfum bara að verjast þegar þeir negla boltanum fram. Við vorum að reyna að skapa en það gekk illa og mikið um sendingafeila í byrjun leiks. Það var eins og menn væru hræddir við að halda boltanum en skánaði í seinni hálfleik."
Atli Sigurjónsson kom aftur til félagsins frá KR á láni.
„Það er mjög gott að fá sterka menn og sérstaklega heimamenn. En aðalatriðið var að við þurftum þrjú stig en þau komu ekki."
Lárus telur að liðið sé alveg úr toppbaráttu þetta árið.
„Í mjög stuttan tíma fengum við smjörþefinn af toppbaráttunni en núna er bara að einbeita sér að því að klára tímabilið með sæmd," sagði Lárus í lokin.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
