Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 11. ágúst 2017 22:13
Brynjar Ingi Erluson
Sky: Coutinho vill ekki spila aftur fyrir Liverpool
Philippe Coutinho í leik með Liverpool
Philippe Coutinho í leik með Liverpool
Mynd: Getty Images
Philippe Coutinho, leikmaður Liverpool á Englandi, vill ekki spila aftur fyrir félagið en þetta herma heimildir Sky Sports. Fréttastofan greinir frá þessu í kvöld.

Coutinho hefur farið formlega fram á sölu frá Liverpool en Barcelona hefur lagt fram tvö tilboð í hann sem hefur verið hafnað.

Í morgun sendi Liverpool frá sér yfirlýsingu þar sem félagið sagðist ekki ætla að selja Coutinho undir neinum kringumstæðum og að hann yrði áfram hjá félaginu.

Í kjölfarið ákvað Coutinho að fara fram á að fara frá félaginu en Liverpool hafnaði því.

Fréttastofa Sky greinir nú frá því að samband Coutinho og Jürgen Klopp, knattspyrnustjóra félagsins, sé afar slæmt og að Coutinho hafi engan áhuga á að spila aftur fyrir félagið.

Við fylgjumst nánar með framvindu mála en þessi frábæri leikmaður var í miklu uppáhaldi flestra stuðningsmanna félagsins í gær en í dag virðist hann hafa breyst úr hetju í skúrk.
Athugasemdir
banner
banner
banner