Hjörtur Hermannsson fyrirliði íslenska U21 árs landsliðsins var að vonum svekktur eftir 4-2 tap liðsins gegn Úkraínu í dag, í lokaleik liðsins í undankeppni fyrir EM.
Tapið þýðir að liðið endar riðilinn í 3. sæti og situr þar með eftir með sárt ennið, en sigur hefði þýtt að liðið myndi leika á EM í Póllandi næsta sumar.
Tapið þýðir að liðið endar riðilinn í 3. sæti og situr þar með eftir með sárt ennið, en sigur hefði þýtt að liðið myndi leika á EM í Póllandi næsta sumar.
Lestu um leikinn: Ísland U21 2 - 4 Úkraína
„Það var mjög þungt í mönnum og er enn og mun líklega sitja í okkur fram eftir vikunni en þegar lengra líður þá held ég að við getum litið stoltir til baka á þessa undankeppni, við erum í séns fram í síðasta leik. Okkur fannst við alveg eiga möguleikana á að snúa þessu við seint í leiknum en svo er sem varð."
En hvað fór úrskeiðis?
„Það er ótal margir hlutir sem klikka í dag. Einna helst seinni hálfleikurinn, sem er einfaldlega ekki nógu góður. Við byrjum á hælanum og ætlum að sitja á 1-0 stöðunni, sem gengur erfiðlega gegn eins sterku liði og Úkraína er, og í þessu veðri, þeir með vindinn í bakið. Svona er fótboltinn stundum," sagði Hjörtur sem var ánægður með fyrri hálfleikinn, en liðið var 1-0 yfir í hálfleik.
„Við lögðum allt í þetta og eigum frábæran fyrri hálfleik. Ég hef líklega aldrei séð okkur spila jafn góðan fótbolta í fyrri hálfleik á köflum. Það er synd að klára þetta ekki."
Viðtalið í heild sinni má sjá í sjónvarpinu hér að ofan.
Athugasemdir