Hinn 22 ára gamli Emil er uppalinn Fylkismaður en hann kom aftur til félagsins í fyrra eftir dvöl hjá Brighton á Englandi.

Emil átti frábært tímabil og var í liði ársins í Inkasso deildinni í sumar en Fylkir vann deildina og tryggði sér sæti í Pepsi-deildinni á ný.

„Það er frábært að búið sé að klára samning við Emil. Hann er frábær fótboltamaður og uppalinn hjá félaginu. Emil átti gott sumar og höfum við fulla trú á að hann haldi áfram að bæta sig hjá okkur. Það eru spennandi tímar framundan í Árbænum," segir Þorvaldur Árnason formaður meistaraflokks ráðs karla hjá Fylki

Emil hefur spilað 46 leiki í deild og bikar með Fylki og skorað í þeim 8 mörk. Emil á að baki 25 leiki með yngri landsliðum Íslands og skoraði hann 3 mörk í þeim leikjum.