Tölfræðingurinn Alexis hefur reiknað út hvernig næsti heimslisti FIFA mun líta út en listinn verður opinberaður á mánudaginn.

Ísland fer samkvæmt því upp um eitt sæti á listanum. Úr 22. sæti upp í 21. sætið. Þetta gerist eftir sigrana á Tyrklandi og Kosóvó.

Ísland er hinsvegar ekki lengur efst af Norðurlandaþjóðunum á lista. Danir fara úr 26. sæti upp í 19. sæti eftir sigur á Svartfjallalandi og jafntefli gegn Rúmeníu.

Heimslistinn reiknar nokkur ár aftur í tímann og því er líklegt að Danir séu að „stroka út" slæm úrslit fyrir nokkrum árum og fá góð úrslit inn í staðinn.

Hér að neðan má sjá heimslistann eins og Alexis hefur reiknað hann út. Farið er eftir þessum lista í röðun á styrkleikaflokkum fyrir dráttinn á HM þann 1. desember.

Ísland líklega í þriðja styrkleikaflokki á HM