Neymar var ánægður að sjá að fyrrum liðsfélagi sinn, Lionel Messi, yrði með á HM í Rússlandi næsta sumar.
Neymar og Messi voru liðsfélagar hjá Barcelona en Neymar fór til Paris Saint-Germain í sumar.
Neymar og Messi voru liðsfélagar hjá Barcelona en Neymar fór til Paris Saint-Germain í sumar.
Þrátt fyrir að Neymar hafi yfirgefið Barcelona í sumar eru hann og Messi engir óvinir. Neymar fór í viðtal eftir 3-0 sigur Brasilíu á Síle og sagðist þar ánægður með það að Messi og félagar í Argentínu yrðu með á HM. Messi skoraði þrennu í 3-1 sigri Argentínu á Ekvador, en Argentína þurfti nauðsynlega sigur í leiknum.
„Ég er ánægður fyrir hans hönd," sagði Neymar í viðtali eftir sigur Brasilíu á Síle í gærkvöldi.
„Ég er ánægður að vinur minn verði með í keppni sem er svona mikilvæg," sagði Neymar enn fremur.
Athugasemdir
