Argentínski snillingurinn Lionel Messi skoraði þrennu þegar Argentína vann Ekvador 3-1 í undankeppni HM í nótt.
Argentína þurfti nauðsynlega á sigri að halda til að tryggja sér sæti í lokakeppni HM og það tókst. Messi og félagar verða því með í Rússlandi næsta sumar.
Argentína þurfti nauðsynlega á sigri að halda til að tryggja sér sæti í lokakeppni HM og það tókst. Messi og félagar verða því með í Rússlandi næsta sumar.
Messi segir að það hefði verið „brjálæði" ef Argentína hefði ekki náð að komast á HM. Einstaklingsframtak hans sá til þess að Argentína komst á HM í tólfta sinn í röð.
Jorge Sampaoli, landsliðsþjálfari Argentínu, segir að liðið megi ekki stóla of mikið á Messi en það eru ellefu mánuðir síðan einhver annar argentínskur leikmaður skoraði fyrir landsliðið í undankeppni HM!
„Við erum það heppnir að besti leikmaður heims í dag er Argentínumaður," segir Sampaoli.
„Við verðum að sjá til þess að allt standi ekki og falli með Leo en í dag var hann mættur og sýndi sína frábæru hæfileika. Ég sagði við liðið að við ættum að hjálpa honum að komast á HM."
Hér að neðan má sjá Messi og félaga fagna sætinu á HM.
Athugasemdir