„Þessi magnaði miðjumaður var einn af lykilmönnum liðsins í sumar og því eru þessar fréttir einstaklega ánægjulegar," segir á Facebook síðu ÍR.

„Við hlökkum til að sjá Viktor í eldlínunni þegar nýtt tímabil rennur af stað."

Í haust var Viktor orðaður við félög í Pepsi-deildinni en nú er ljóst að hann verður áfram hjá ÍR. Þjálfaraskipti urðu hjá ÍR á dögunum en Brynjar Þór Gestsson tók við liðinu af Arnari Þór Valssyni.

Viktor er uppalinn FH-ingur en hann hefur einnig leikið með Fjarðabyggð, KA, Fylki og Víkingi R. á ferlinum.