Danski sóknarmaðurinn Andre Bjerregaard segir við fjölmiðla í heimalandi sínu að framtíð sín ætti að ráðast í næsta mánuði.
Bjerregaard kom öflugur inn í lið KR í Pepsi-deildinni í sumar og Rúnar Kristinsson, þjálfari KR, segir að hann vilji halda Dananum í Vesturbænum.
Bjerregaard kom öflugur inn í lið KR í Pepsi-deildinni í sumar og Rúnar Kristinsson, þjálfari KR, segir að hann vilji halda Dananum í Vesturbænum.
Sjálfur segist Bjerregaard vonast til að komast að í dönsku úrvalsdeildinni fyrir næsta tímabil.
Leikmaðurinn spilaði með AC Horsens en reiknar ekki með því að snúa aftur þangað.
„Það var góð reynsla að spila með KR. Fólkið á Íslandi tók mér vel, það voru betri móttökur en maður er vanur hjá dönskum félögum. Það var ánægja með mig," segir Bjerregaard.
Hann lék níu leiki með KR áður en hann fótbrotnaði í tíunda leiknum. Hann er enn í endurhæfingu.
KR hafnaði í fjórða sæti Pepsi-deildarinnar á liðnu sumri og missti af Evrópusæti.
Athugasemdir