Luzhniki leikvangurinn, þar sem opnunarleikurinn og úrslitaleikurinn verða.
26 landslið eru örugg með þátttökurétt á HM í Rússlandi á næsta ári. Þar á meðal eru auðvitað gestgjafarnir og svo tökum við Íslendingar þátt í fyrsta sinn í sögunni.
Fimmfaldir heimsmeistarar Brasilíu verða með og einnig ríkjandi meistarar í Þýskalandi.
Fimmfaldir heimsmeistarar Brasilíu verða með og einnig ríkjandi meistarar í Þýskalandi.
Auk þess verða Argentína, Belgía, Kólumbía, Kosta Ríka, England, Egyptaland, Frakkland, Íran, Japan, Mexíkó, Marokkó, Nígería, Panama, Pólland, Portúgal, Sádi Arabía, Senegal, Serbía, Suður-Kórea, Spánn, Túnis og Úrúgvæ með í veislunni.
BBC valdi einn lykilmann úr hverju landsliði sem búið er að tryggja sér sæti á HM. Það kemur ekki á óvart hvaða Íslendingur varð fyrir valinu!
Rússland: Igor Akinfeev - Markvörðurinn hefur leikið yfir 100 landsleiki og reynsla hans gæti reynst dýrmæt.
Belgía: Eden Hazard - Þessi snjalli leikmaður Chelsea kann að finna leiðir framhja vörnum andstæðingana.
England: Harry Kane: Einn heitasti markaskorari heims í dag.
Frakkland: Antoine Griezmann - Markahæstur þegar Frakkar fóru í úrslitaleik EM á síðasta ári.
Þýskaland: Toni Kroos - Einn reynslumesti leikmaður liðsins og gríðarlega sigursæll.
Ísland: Gylfi Þór Sigurðsson - Það er erfitt að horfa framhjá Gylfa. Besti leikmaður Íslands í undankeppninni.
Pólland: Robert Lewandowski - Markahæstur í pólska landsliðinu frá upphafi.
Portúgal: Cristiano Ronaldo - Hver annar? Hefur fjórum sinnum verið valinn besti leikmaður heims.
Serbía: Branislav Ivanovic - Fyrirliðinn og leiðtoginn í vörninni.
Spánn: Isco - Sex mörk í síðustu sjö landsleikjum frá sóknarmanni Real Madrid.
Argentína: Lionel Messi - Tók málin í sínar hendur þegar Argentína átti á hættu að missa af HM.
Brasilía: Neymar - Dýrasti leikmaður heims.
Kólumbía: James Rodriguez - Er á láni hjá Bayern München. Vann gullskóinn á HM 2014.
Úrúgvæ: Luis Suarez - Markahæstur í sögu úrúgvæska landsliðsins.
Mexíkó: Hirving Lozano - Hefur leikið vel síðan hann gekk í raðir PSV í Hollandi og er einnig orðin stjarna með landsliðinu.
Kosta Ríka: Keylor Navas - Frábær frammistaða á síðasta tímabili færði honum samning hjá Real Madrid þar sem hann er aðalmarkvörður.
Panama: Luis Tejada - Er orðinn 35 ára en er helsta von Panama í markaskorun.
Íran: Sardar Azmoun - Einn öflugasti sóknarmaður sem hefur komið frá Asíu í einhvern tíma. Leikur fyrir Rubin Kazan í Rússlandi.
Japan: Takuma Asano - 22 ára leikmaður sem er í eigu Arsenal og leiðir væntanlega sóknarlínu Japan á næsta ári. Hjálpaði Stuttgart að komast upp úr þýsku B-deildinni á lánssamningi síðasta tímabil.
Sádi Arabía: Nasser Al-Shamrani - Reyndur sóknarmaður með stórt skap. Var valinn leikmaður ársins í Asíu 2014.
Suður-Kórea: Son Heung-min - Leikmaður sem hefur sýnt með Tottenham hvers megnugur hann er.
Egyptaland: Mohamed Salah - Hefur komið inn sem stormsveipur hjá Liverpool.
Marokkó: Medhi Benatia - Hefur ekki átt fast sæti hjá Juventus en er lykilmaður í vörn Marokkó.
Nígería: John Mikel Obi - Reynslumesti maður hópsins. Spilar í Kína í dag.
Senegal: Sadio Mane - Varð dýrasti Afríkumaður í heimi þegar Liverpool keypti hann 2016.
Túnis: Aymen Abdennour - Reynslumikill miðvörður sem er í dag hjá Marseille.
Athugasemdir
