„Það lítur út fyrir að það sé allt í lagi með hann," sagði Gareth Southgate, landsliðsþjálfari Englands, er hann var spurður út í stöðuna á varnarmanninum Phil Jones.
Jones fór meiddur af velli á 24. mínútu í vináttulandsleik Englands og Þýskalands í gærkvöldi.
Jones fór meiddur af velli á 24. mínútu í vináttulandsleik Englands og Þýskalands í gærkvöldi.
Stuðningsmenn Manchester United urðu margir hverjir mjög áhyggjufullir þegar þeir sáu Jones fara meiddan af velli í gær, en hann er þekktur fyrir að vera mikill meiðslapési.
Útlitið er betra núna, en svo gæti farið að Jones þurfi jafnvel ekki að draga sig úr enska landsliðshópnum.
„Við skoðuðum hann. Þetta er eitthvað sem hefur verið að hrjá hann áður, en þetta er ekki verra núna sem er gott. Við munum sjá til hvort hann verði áfram með okkur," sagði Southgate.
Athugasemdir
