Enska knattspyrnusambandið hefur beðið Manchester United og Manchester City um skýringar á ólátunum sem voru eftir leik liðanna á Old Trafford í gær.
Leikmenn Manchester City fögnuðu sigrinum ógurlega eftir leik ásamt starfsfólki sínu.
Jose Mourinho, stjóri Manchester United, lét í sér heyra þegar hann var á leið í viðtöl eftir leik en honum þótti City sýna vanvirðingum með fagnaðarlátunum. Mourinho og Ederson, markvörður City, rifust í kjölfarið á portúgölsku.
Læti brutust út og þar var bæði vatni og mjólk hellt yfir Mourinho. Mikel Arteta, aðstoðarstjóri City, meiddist í látunum en í kjölfarið blæddi úr andliti hans.
Michael Oliver, dómari leiksins, talaði ekki um atvikið í skýrslu sinni eftir leik og því ætlar enska knattspyrnusambandið að hefja rannsókn. Félögin og einhverjir aðilar gætu fengið refsingu í kjölfarið.
Sjá einnig:
Slagsmál í göngunum - Skvett vatni á Mourinho
Mourinho fékk líka mjólk yfir sig eftir leikinn - Arteta blóðugur
Athugasemdir