Huddersfield hefur keypt Alex Pritchard í sínar raðir frá Norwich en hann skrifaði undir samning sem gildir til sumarsins 2021. Huddersfield mun greiða 12 milljónir punda fyrir Pritchard og gætu 2 milljónir til viðbótar bæst ofan á það síðar meir.
Pritchard er sóknarþenkjandi miðjumaður en hann gekk í raðir Norwich í ágúst 2016. Kanarífuglarnir borguðu Tottenham 8 milljónir punda fyrir hinn 24 ára gamla Pritchard á sínum tíma.
Huddersfield hefur aðeins skorað 18 mörk í ensku úrvalsdeldinni á þessu tímabili og Pritchard á að hjálpa liðinu að skora meira.
Hann er annar leikmaðurinn sem Huddersfield fær í þessum glugga en áður hafði varnarmaðurinn Terence Kongolo komið frá Mónakó á lánssamningi.
Huddersfield er í 11. sæti ensku úrvalsdeildarinnar.
✅ Bet we had you guessing! We’re delighted to announce that @pritch_93 joins #htafc from @NorwichCityFC for an undisclosed fee, signing a three and a half year deal 📝 https://t.co/bRkfG5Jwkx (AT) pic.twitter.com/SQ30ClNv4U
— Huddersfield Town (@htafcdotcom) January 12, 2018
Athugasemdir