Elías Már Ómarsson.
Elías Már Ómarsson hefur farið vel af stað á undirbúningstímabilinu með IFK Gautaborg eftir erfitt ár hjá félaginu í fyrra.
Elías byrjaði einungis fjóra deildarleiki í Svíþjóð á síðasta tímabili og náði ekki að skora mark.
Í vetur var Elías settur á sölulista hjá Gautaborg en félagið ákvað hins vegar að hafna tilboðum frá félögum á Norðurlöndunum og frá Ísrael í janúar.
Elías byrjaði einungis fjóra deildarleiki í Svíþjóð á síðasta tímabili og náði ekki að skora mark.
Í vetur var Elías settur á sölulista hjá Gautaborg en félagið ákvað hins vegar að hafna tilboðum frá félögum á Norðurlöndunum og frá Ísrael í janúar.
Hinn 32 ára gamli Poya Asbaghi tók við þjálfun Gautaborg í vetur og hann virðist hafa meiri trú á Elíasi en forveri hans.
Elías skoraði gegn Meixian Techand frá Kína í æfingaleik síðastliðinn föstudag og hann hefur látið til sín taka í æfingaleikjum að undanförnu.
Í fyrstu fjórum æfingaleikjum Gautaborg hefur Elías komið að sex mörkum liðsins. Hann hefur skorað tvö mörk, lagt upp tvö og fiskað tvö víti.
Athugasemdir
