Belenenses sigraði Vitoria de Guimaeres með þremur mörkum gegn einu í portúgölsku deildinni í dag.
Crivellaro kom Guimaeres yfir í leiknum en stuttu síðar var Chris Malonga rekinn af velli með sitt annað gula spjald og breyttist leikurinn við það.
Deyverson jafnaði metin fyrir Belenenses og í kjölfarið skoraði svo Fredy tvö mörk til þess að tryggja liðinu sigur.
Helgi Valur Danielsson kom inná sem varamaður á 82. mínútu til þess að halda forskotinu og lokatölur því 3-1.
Hann hefur mikið spilað á þessari leiktíð og yfirleitt verið í byrjunarliði en Eggert Gunnþór Jónsson hefur ekki fengið jafn mikinn leiktíma og hefur ekki spilað síðan í byrjun mars.
Belenenses er í bullandi fallbaráttu sem stendur en liðið er í 14. sæti af 16 mögulegum með 24 stig, svo sigurinn í dag var afar mikilvægur.
Athugasemdir