Heerenveen sigraði Go Ahead Eagles með tveimur mörkum gegn engu í hollensku deildinni í dag en Alfreð Finnbogason var auðvitað á skotskónum.
Joost van Aken kom Heerenveen yfir undir lok fyrri hálfleiks áður en Alfreð bætti við öðru marki þegar um það bil fimmtán mínútur voru eftir af síðari hálfleik.
Lokatölur því 0-2 Heerenveen í vil sem situr í sjötta sæti deildarinnar með 51 stig sem stendur á meðan Go Ahead Eagles er með 37 stig í tólfta sæti.
Alfreð er kominn með 27 mörk í hollensku úrvalsdeildinni eða fimm mörkum á undan næsta manni, Graziano Pelle, sem er með 22 mörk.
Athugasemdir