Manuel Neuer, markvörður Bayern München í Þýskalandi, er ekki alvarlega meiddur eins og talið var í fyrstu en honum var skipt af velli í hálfleik gegn Borussia Dortmund í dag.
Bayern tapaði fyrir Dortmund með þremur mörkum gegn engu í dag en Neuer fór af velli í hálfleik vegna meiðsla í kálfa.
Talið var að hann myndi missa af undanúrslitum Meistaradeildar Evrópu sem og undanúrslitaleiknum gegn Kaiserslautern í þýska bikarnum en hann segir að meiðslin hafi ekki verið alvarleg.
,,Ég fór af velli því við vildum ekki taka neinar áhættur. Ég get spilað gegn Kaiserslautern í bikarnum," sagði Neuer.
Athugasemdir
