Jón Daði Böðvarsson hefur byrjað tímabilið í Noregi frábærlega og er þegar búinn að skora þrjú mörk í þremur leikjum og tryggja Viking fjögur stig af þeim fimm sem liðið hefur í deildinni.

Jón Daði hefur komið af bekknum í öllum leikjunum og gert öll mörk Viking á tímabilinu.

Lillestrøm er með fjögur stig eftir þrjá leiki eftir að hafa lagt Sandnes Ulf af velli 4-1 í síðustu umferð.

Sverrir Ingi Ingason, Indriði Sigurðsson, Björn Daníel Sverrisson og Steinþór Þorsteinsson voru allir í byrjunarliði Viking, en aðeins fyrirliðanum Indriða var skipt af velli í leiknum.