Gus Poyet segist ekki taka mark á þeirri gagnrýni sem hann fær frá stuðningsmönnum, knattspyrnusérfræðingum og fjölmiðlum.
Poyet játar getuleysi sitt til að breyta skoðunum fólks og ætlar að halda sínu starfi áfram í sama fari.
Poyet játar getuleysi sitt til að breyta skoðunum fólks og ætlar að halda sínu starfi áfram í sama fari.
Poyet hefur verið gagnrýndur fyrir að nota þrjá miðverði og tvo varnartengiliði og hefur Sunderland tapað fjórum leikjum í röð þrátt fyrir góða frammistöðu á köflum.
,,Ég tala af fullkomnum heiðarleika þegar ég segi að mér er alveg sama um hvaða gagnrýni ég fæ. Allir hafa skoðun og það er ekkert sem ég get gert í því, " sagði Poyet við Sunderland Echo.
,,Stöðugustu leikmennirnir síðustu vikur hafa verið Lee Cattermole og Liam Bridcutt. Það skiptir ekki máli hvar þú spilar, í hvaða stöðu eða hvað þú kannt tæknilega, það sem skiptir máli er hvað þú gerir á vellinum.
,,Þessir tveir hafa sýnt það með sinni spilamennsku að þeir eiga skilið að vera áfram í byrjunarliðinu."
Athugasemdir
