WBA komst í þriggja marka forystu gegn Tottenham í dag en í stöðunni 2-0 fyrir WBA gat Emmanuel Adebayor minnkaði muninn en hann lét þá Ben Foster verja vítaspyrnu frá sér og í kjölfarið skoraði WBA þriðja markið.

Tottenham kom þó til baka og jafnaði metin en jöfnunarmarkið kom á síðustu mínútu leiksins.

,,Þetta var brjálæði. Þeir hefðu þess vegna getað gefið þeim 1-0 forskot fyrir leikinn því í stöðunni 3-0 fyrir WBA þá trúði ég því í alvöru að við myndum vinna leikinn því við áttum þennan leik," sagði Sherwood.

,,Við vorum vonsviknir með þriðja markið, okkur fannst það vera brot. Ég er að reyna að finna margar afsakanir núna fyrir varnarleiknum okkar en hann var því miður skelfilegur í dag."

,,Ég hef gaman af spennunni og er stoltur af því að vera knattspyrnustjóri hjá þessu frábæra félagi og vonandi verð ég áfram hér. Stuðningsmennirnir vita að ég er á þeirra bandi og eina sem ég vil gera er að gera það besta fyrir félagið," sagði hann að lokum.