Heimir Guðjónsson
Heimir Guðjónsson, þjálfari FH, var að vonum sáttur eftir sigur sinna manna gegn nýliðum Þórs á Akureyri fyrr í dag.
,,Við vissum að þetta yrði baráttuleikur. Völlurinn var ekki góður og við náðum ekki upp okkar besta spili en samt sem áður náðum við að innbyrða þessi þrjú stig. Vörnin hélt og við skoruðum þrjú mörk þannig við förum sáttir."
,,Það er engin óskastaða komin upp varðandi framherjana. Atli Viðar meiddist í gær á æfingu og Albert Brynjar tognaði í nára gegn Keflavík. Svo tókst [Kristjáni] Gauta að meiðast í upphitun. Við þurftum að rótera aðeins framlínunni en allir stóðu sig vel. Atli og Gauti eiga að vera tilbúnir strax í næsta leik en það er eitthvað lengra í Albert."
,,Við erum að skoða okkar möguleika og kemur bara í ljós á allra næstu dögum hvort við munum fá mann til að fylla skarðið sem Hólmar Örn skyldi eftir sig," en miðjumaðurinn sterki, Hólmar Örn Rúnarsson, meiddist út tímabilið fyrir skemmstu.
Viðtalið er hægt að sjá í heild sinni hér að ofan.
