Jóhannes Harðarson mætir uppeldisfélagi sínu.
Í dag klukkan 17:00 mætast ÍA og ÍBV í 11. umferð Pepsi deildar karla. Aðeins eitt stig skilur liðin af sem sitja í níunda og tíunda sæti Pepsi deilarinnar.
Mikilvægi leiksins er því gríðarlegt. Jóhannes Þór Harðarson, þjálfari ÍBV kom til landsins í gær og mun stýra ÍBV liðinu í dag gegn sínu uppeldisfélagi ásamt Inga Sigurðssyni en þetta kemur fram á Eyjafréttum.
Jóhannes hefur verið fjarverandi í síðustu tveimur leikjum af persónulegum ástæðum og hefur Ingi Sigurðsson stýrt liðinu af hliðarlínunni í hans fjarveru.
Eyjamenn hafa verið að rétta úr kútnum eftir arfaslaka byrjun, unnu Breiðablik í síðasta leik og eru komnir í undanúrslit bikarsins.
Leikir dagsins
17:00 ÍA-ÍBV (Norðurálsvöllurinn)
19:15 Víkingur R.-KR (Víkingsvöllur)
19:15 FH-Fylkir (Kaplakrikavöllur)
Athugasemdir
