Antonio Conte knattspyrnustjóri Englandsmeistara Chelsea var skiljanlega ekkert allt of hress eftir 2-3 tap á heimavelli gegn Burnley.
„Augnablikið þegar Cahill var rekinn af velli var lykilatriði í leiknum, vegna þess að spila restina af leiknum með 10 leikmenn og síðar 9 var ekki auðvelt."
Tveir leikmenn Chelsea voru reknir af velli með rautt spjald, þeir Gary Cahill og Cesc Fabregas og það sást vel á viðbrögðum Conte á hliðarlínunni að hann var ekkert mjög sáttur með ákvarðanir dómarans.
„Ég vil ekki tjá mig um dómarann, alls ekki," sagði Conte í viðtali eftir leikinn í dag.
Næsti leikur Chelsea í ensku úrvalsdeildinni er gegn Tottenham næstkomandi sunnudag.
Athugasemdir